Arbeidsførebuande trening (AFT)
Dette er eit tilbod til deg som ynskjer å kome i arbeid eller utdanning for å kvalifisere deg til arbeid. Vi vil hjelpe deg med tilrettelegging, rettleiing og avklaring av arbeidsevne. Programmet er midlertidig, og varar i inntil eitt år, med moglegheit for forlenging ved behov.
Eit typisk løp er inndelt i tre fasar:
Fase 1:
- Introduksjonsmøte der vi går gjennom moglegheiter, rettar og pliktar i programmet.
- Kartlegging av interesser, moglegheiter og utfordringar.
- Karriere- og studierettleiing etter IPS-metodikk.
- Utarbeiding av plan for arbeidstrening eller studieløp.
Fase 2:
- Praksis i ekstern bedrift eller oppfølging i utdanning. Ved behov kan vi tilby tilpassa arbeidsoppgåver på ASVO, som gir god trening på vegen tilbake til arbeidslivet.
- Oppfølging og rettleiing i arbeidstrening.
- Samtalar med NAV undervegs og ved behov.
- Gjennomgang av fråvær kvar månad, som blir sendt til NAV.
- Oppsummering av plan kvar 3. månad, som NAV får tilsendt.
Fase 3:
- Hjelp til å søke ordinært arbeid eller vidare studium (søknadsskriving, rettleiing, intervjutrening med meir).
- Dialog med NAV og arbeidsgjevar om eventuelle tilretteleggingstiltak.
- Overgang til arbeid, studiar eller samtale med NAV om andre tiltak.
Har du spørsmål om arbeidsførebuande trening kan du ta kontakt med arbeids- og studierådgjevar John Ivar Sunde (46932944 / johnivar@asvomaloy.no), eller ta kontakt med din lokale rådgjevar i NAV.
