Arbeidsførebuande trening (AFT)
Dette er eit tilbod til deg som ynskjer å kome i ordinært arbeid eller utdanning. Vi vil hjelpe deg med tilrettelegging, rettleiing og avklaring av arbeidsevne. Vi vil, saman med deg, leggje til rette for arbeidspraksis i ordinære bedrifter og gir tett oppfølging heile vegen.
Eit typisk løp er inndelt i tre fasar:
Fase 1:
- Introduksjonsmøte der vi går gjennom rettar og pliktar i arbeidstrening
- Kartlegging av interesser, moglegheiter og utfordringar
- Karriere- og studierettleiing
- Utarbeiding av plan for arbeidstrening eller studieløp
Fase 2:
- Praksis i ekstern bedrift. Ved behov kan vi tilby tilpassa arbeidsoppgåver på ASVO, som gir god trening på vegen tilbake til arbeidslivet
- Oppfølging og rettleiing i arbeidstrening
- Samtalar med NAV undervegs og ved behov
- Gjennomgang av fråvær kvar månad, som blir sendt til NAV
- Oppsummering av plan kvar 3. månad, som NAV får tilsendt
Fase 3:
- Hjelp til å søke ordinært arbeid eller vidare studium (søknadsskriving, rettleiing, intervjutrening med meir)
- Dialog med NAV og arbeidsgjevar om eventuelle tilretteleggingstiltak
- Overgang til arbeid, studier eller samtale med NAV om andre tiltak
Har du spørsmål om arbeidsførebuande trening kan du ta kontakt med rådgjevar John Ivar Sunde (46932944 / johnivar@asvomaloy.no), eller ta kontakt med din rådgjevar i NAV.
